Міжнародная платформа па прыцягненню вінаватых да адказнасці для Беларусі (IAPB) апублікавала сваю трэцюю справаздачу аб зробленай працы за перыяд з лютага па верасень 2022 года. IAPB значна прасунулася ў выкананні запытаў аб дапамозе ад чатырох дзяржаў і Упраўлення Вярхоўнага камісара ААН па правах чалавека (УВКПЧ). IAPB працягвае аналізаваць і захоўваць тысячы файлаў, якія змяшчаюць інфармацыю і доказы меркаваных злачынстваў па міжнародным праве, здзейсненых у Беларусі з 2020 года.
Download full report here
Download the full report in Belarussian
Download the full report in Russian
Нягледзячы на пагаршэнне сітуацыі з бяспекай у Беларусі і рост рызыкаў для сукіраўнікоў Міжнароднай платформы па прыцягненню вінаватых да адказнасці для Беларусі (IAPB) – Праваабарончага цэнтра “Вясна” і Міжнароднага камітэта па расследаванні катаванняў у Беларусі — – за справаздачны перыяд IAPB дамаглася значных поспехаў у дасягненні сваіх мэтаў па зборы, кансалідацыі, верыфікацыі і захаванні інфармацыі і доказаў злачынстваў па міжнародным праве, меркавана здзейсненых у Беларусі, і садзейнічанні справядліваму і незалежнаму крымінальнаму судаводству і іншым органам і працэсам па прыцягненню да адказнасці, у тым ліку Экспертызе Упраўлення Вярхоўнага камісара ААН па правах чалавека ў Беларусі (OEB). Акрамя таго, IAPB узаемадзейнічае з органамі пракуратуры шэрагу еўрапейскіх дзяржаў, якія расследуюць злачынствы па міжнародным праве, здзейсненыя ў Беларусі, або могуць ажыццяўляць юрысдыкцыю над імі. На працягу года сваёй працы IAPB стварыла інстытуцыйныя структуры, неабходныя для дасягнення сваіх мэтаў у адпаведнасці з міжнароднымі стандартамі і лепшымі практыкамі, а таксама правяла значную працу паводле вызначаных планаў.
Міжнародная платформа для Беларусі па прыцягненні вінаватых да адказнасці (Платформа) прадстаўляе справаздачу за першыя шэсць месяцаў сваёй працы. Платформа, якая стартавала 24 сакавіка 2021 года як кансорцыум НДА пры падтрымцы групы дзяржаў, была створана для збору, апрацоўкі, праверкі і захавання інфармацыі, дакументацыі і доказаў грубых парушэнняў правоў чалавека, якія складаюць злачынствы па міжнародным праве, здзейсненых у Беларусі ў перыяд з 9 жніўня 2020 года. Гэта робіцца з мэтай садзейнічання незалежным крымінальным расследаванням і крымінальнаму судаводству ў адпаведнасці са стандартамі міжнароднага права ў нацыянальных, рэгіянальных або міжнародных судах або трыбуналах, якія маюць або могуць у будучыні мець юрысдыкцыю ў дачыненні да гэтых злачынстваў у адпаведнасці з міжнародным правам.
Платформа карыстаецца падтрымкай шырокага кола дзяржаў, у прыватнасці Аўстрыі, Бельгіі, Вялікабрытаніі, Германіі, Даніі, Злучаных Штатаў Амерыкі, Ісландыі, Канады, Латвіі, Літвы, Ліхтэнштэйна, Нарвегіі, Нідэрландаў, Польшчы, Румыніі, Славакіі, Фінляндыі, Чэхіі, Швейцарыі і Эстоніі, а таксама Еўрапейскага Саюза. Гэтая падтрымка была выказана ў сумеснай заяве, апублікаванай 24 сакавіка 2021 года.
Contact Us
information
Contact Us
information
